ქალთა უფლებებისათვის ბრძოლა ხანგრძლივ ისტორიას ითვლის, თუმცა 8 მარტის მიმართ ჩვენში არაერთგვაროვანი დამოკიდებულება არსებობს, მიუხედავად იმისა, რომ თარიღი ქალთა საერთაშორისო სოლიდარობის დღედ გაერომ 1975 წელს აღიარა.
დამოუკიდებელ საქართველოში ეს დღე კომუნისტურ დღესასწაულად მიიჩნიეს და მისი 3 მარტით ჩანაცვლება სცადეს, თუმცა საბოლოოდ, როგორც სხვა შემთხვევაში, აქაც ორი დღესასწაული მივიღეთ.
რას მიაღწიეს ქალებმა ამ ხნის განმავლობაში და როგორია თარიღის მიმართ დამოკიდებულება? - თემაზე დღის ამბების ჯგუფი საზოგადოების წარმომადგენლებს ესაუბრა.