საჩხერის საავადმყოფოსთან მდებარე სასტუმროში განთავსებული საქართველოს 34 მოქალაქე სასტუმროს დღეს დატოვებს
06.03.2020
უკან დაბრუნება
საჩხერის საავადმყოფოსთან მდებარე სასტუმროში განთავსებული საქართველოს 34 მოქალაქე სასტუმროს დღეს დატოვებს. როგორც კლინიკის დირექტორი, მიხეილ ქამუშაძე ამბობს, ჩინეთიდან ჩამოსული მოქალაქეები ორი კვირის განმავლობაში დაკვირვების ქვეშ იმყოფებოდნენ.
აღსანიშნავია, რომ 34 საქართველოს მოქალაქე ჩინეთიდან გადმოიყვანეს, რომლებიც გარკვეული დრო საკარანტინო ზონაშიც გაატარეს. მათ დაავადების სიმპტომები არ გამოვლენიათ. მათი ჯანმრთელობის მდგომარეობა დამაკმაყოფილებელია.
