ქუთაისში წელს ათი სკვერი მოეწყობა, სადაც სხვადასხვა გასართობი სივრცე, ატრაქციონები და ძელსკამები განთავსდება. ტენდერი უკვე გამოცხადებულია და წინადადებების მიღება 30 იანვარს დასრულდება, სამუშაოების ღირებულება, სატენდერო პირობების თანახმად, 1,176,681.68 ლარია. შეგახსენებთ, რომ უკვე მიმდინარეობს სულხან საბასა და ლეონიძის ქუჩებზე სკვერების მოწყობის სამუშაოები. ლეონიძის სკვერი უკვე დასრულებულია და ბოლო დეტალები მოწმდება, ხოლო სულხან საბას გამზირზე სამუშაოები აქტიურ ფაზაშია..
