ააიპ ქუთაისის სპორტულ დაწესებულებათა გაერთიანების ორგანიზებით, კრივში საერთაშორისო ტურნირი გაიხსნა. მასში სპორტსმენები საქართველოს სხვადასხვა ქალაქიდან მონაწილეობენ. ტურნირში ასევე ჩართულია სომხეთიდან ჩამოსული მოკრივეთა გუნდი. შეჯიბრებები 2005-2006 წლებში დაბადებულ მოკრივეებს შორის, 17 მარტის ჩათვლით, სხვადასხვა წონით კატეგორიაში გაიმართება. საპრიზო ადგილებზე გასულ მონაწილეებს პრიზები გადაეცემათ.
