საქართველოში წითელას შემთხვევებმა იმატა, ეპიდემიურ აფეთქებას ჯანდაცვის სამინისტროსთან ერთად, სხვადასხვა სამსახური ებრძვის. აღნიშნულ საკითხზე ქუთაისის საკრებულოს დარბაზში შეხვედრა გაიმართა, სადაც განხილულ იქნა საკანონმდებლო განკარგულებით გათვალისწინებული სტრატეგიები და გეგმა, რომელიც ეპიდემიის აღმოსაფხვრელადაა საჭირო. დაავადებათა კონტროლის იმერეთის სამმართველოს უფროსი გოჩა გიორგიძე დაინფიცირებულთა მაღალი მაჩვენებლის გამო, საზოგადოებას სიფრთხილისა და დროული ვაქცინაციისკენ მოუწოდებს.
