12 ოქტომბერი ართრიტის საერთაშორისო დღეა, თარიღთან დაკავშირებით ახალგაზრდა რევმატოლოგთა ასოციაციის ორგანიზებით, ქუთაისის ცენტრალურ ბულვარში საინფორმაციო აქცია გაიმართა. მოქალაქეებს შესაძლებლობა მიეცათ ძვალ-კუნთოვანი და რევმატიული დაავადებების შესახებ ინფორმაცია მიეღოთ, დარიგდა საინფორმაციო სახის ბუკლეტები. აქციას ადგილობრივი ხელისუფლებისა და ჯანდაცვის სფეროს წარმომადგენლები შეუერთდნენ.
