ზ.დოლაბერიძის სახელობის თასის მფლობელი ქუთაისის 2005 წელს დაბადებულ ჭაბუკთა საკალათბურთო გუნდი გახდა
24.09.2018
უკან დაბრუნება
ზ.დოლაბერიძის სახელობის თასის მფლობელი ქუთაისის 2005 წელს დაბადებულ ჭაბუკთა საკალათბურთო გუნდი გახდა. მე_2 ადგილი რუსთავის, მე_3 კი- თელავის გუნდმა დაიკავა. საპრიზო ადგილზე გასული სპორტსმენები ა(ა)იპ სპორტულ დაწესებულებათა გაერთიანების მმართველმა კობა ფხაკაძემ და ქუთაისის საკრებულოს წევრმა გიორგი ჭეიშვილმა დააჯილდოვეს. ტურნირი 2005-2006 წლებში დაბადებულ ჭაბუკთა შორის ქუთაისის ა(ა)იპ სპორტულ დაწესებულებათა გაერთიანების ორგანიზებით 20-23 სექტემბერს მიმდინარეობდა. მიხეილ ქორქიასა და ზურაბ საკანდელიძის სახელობის სპორტის სასახლეში 4 დღის განმავლობაში ერთმანეთს თბილისის, რუსთავის, თელავის, ფოთის, სამტრედიისა და ქუთაისის გუნდები ეჯიბრებოდნენ. ფინალურ ეტაპზე ერთმანეთს ქუთაისი და რუსთავი დაუპირისპირდნენ. შეხვედრა მასპინძელთა უპირატესობით 74:68 დასრულდა.
