გიგი უგულავამ ვანის მოსახლეობასთან შემაჯამებელი შეხვედრა გამართა
27.04.2018
უკან დაბრუნება
ვანისა და ხონის გაერთიანებული ოლქის მაჟორიტარი დეპუტატობის კანდიდატის არჩევამდე ერთი დღე რჩება.
პარტია” ევროპული საქართველოს” მაჟორიტარი დეპუტატობის კანდიდატმა პარლამენტში , გიგი უგულავამ, ვანის მოსახლეობასთან შემაჯამებელი შეხვედრა გამართა. დეპუტატობის კანდიდატმა, შეკრებილ საზოგადოებას, წინასაარჩევნო პროგრამა და სოციოლოგიური კვლევის შედეგები გააცნო.
ვანსა და ხონში გამოკითხულთა უმრავლესობა მიიჩნევს, რომ ქვეყანა არასწორი მიმართულებით ვითარდება. 64% ფიქრობს, რომ პარტიამ „ქართული ოცნება“ მათი იმედები ვერ გაამართლა. მოსახლეობას უმუშევრობა, სიღარიბე და უპერსპექტივობის განცდა აწუხებს. ასევე მოუგვარებელია ყოფითი საცხოვრებელი პირობები. ვანის მაცხოვრებლებს განსაკუთრებულ პრობლემას უქმნის ფაროსანაც. გამოკითხუთა 59%-ის აზრით, ხელისუფლებამ საკითხზე რეაგირება არ მოახდინა, ან პრობლემის მიმართ არაადეკვატური იყო.
2018 წლის აპრილში ვანისა და ხონის მუნიციპალიტეტებში მოსახლეობის სოციოლოგიური გამოკითხვა, პარტია „ევროპული საქართველო“-ს დაკვეთით, კომპანია „ბი-სი-ჯი კვლევა“-მ განახორციელა.
