სამტრედიის საკრებულოში სამი ფრაქცია გაუქმდა. სამტრედიის საკრებულოს თავმჯდომარის ნუგზარ ჯამბურიას თქმით, ფრაქციათა რიცხვი საკრებულოში ამჟამად ექვსამდე შემცირდა. გასულ წელს სამტრედიის საკრებულოში ცხრა ფრაქცია შეიქმნა. მათგან რვა მმართველი გუნდის წევრების , ერთი კი ოპოზიციის მიერ შეიქმნა. მმართველი პარტიის რეკომენდაციით, ახლა მხოლოდ ხუთი ფრაქცია დარჩა, კერძოდ, „ქართული ოცნება", "ქართული ოცნება - კონსერვატორები", "ქართული ოცნება-მრეწველები","ქართული ოცნება მწვანეები"და "სამტრედიელი პატრიოტები". სამტრედიის საკრებულოს ფრაქციის თავმჯდომარის ხელფასი თვეში 2000 ლარია, ხოლო მათი მოადგილეების შრომითი ანაზღაურება 1 200 ლარს შეადგენს. სამტრედიის საკრებულოში 33 წევრია, აქედან 18 მაჟორიტარული, ხოლო 15 პროპორციული წესით არის არჩეული.