"ჯორჯ ბალანჩინის სახელობის ქორეოგრაფიული ფესტივალი" ქუთაისის ოპერისა და ბალეტის თეატრში საბალეტო სკოლების წამყვანმა სოლისტებმა გახსნეს. გახსნაზე ირმა ნიორაძესთან ერთად იმერეთის გუბერნატორი, ვიცე გუბერნატორი და ქალაქის მერი იმყოფებოდნენ. საბალეტო დღესასწაული ქუთაისში 2 დღის განმავლობაში გაგრძელდება და მასში მონაწილეობას საქართველოს რამდენიმე საბალეტო სკოლასთან ერთად გერმანიის, იტალიის, ესტონეთისა და ლატვიის საბალეტო სკოლები მიიღებენ.