ქუთაისში სტუმრად მყოფმა გერჰარდ და კარინ მიულერებმა საქველმოქმედო აქცია გამართეს. 300-მა ოჯახმა ხარაზოვის ბაღში, ჰუმანიტარული დახმარების სახით სურსათი და საყოფაცხოვრებო მოხმარების ნივთები მიიღეს. ბენეფიციარები სოციალურად დაუცველ ოჯახებს წარმოადგენენ, რომლებიც ქუთაისის გარდა იმერეთის რაიონებიდან შეირჩნენ. საქველმოქმედო აქციაში ქუთაისის მერმა შოთა მურღულიამაც მიიღო მონაწილეობა და მადლობა გადაუხადა მიულერების ოჯახს დღევანდელი აქციისთვის. მიულერების ოჯახი ქართულ-გერმანული ცენტრის ორგანიზებით ხშირად სტუმრობს ქუთაისს და ათეულობით საქველმოქმედო აქცია აქვთ გამართული. ამასთან მიულერები და კიდევ რამდენიმე გერმანელი, ქუთაისში 40 ოჯახს ყოველთვიურად გარკვეული თანხით ეხმარება.
