საქართველოს 28-ე ეროვნული ჩემპიონატის უმაღლესი ლიგის მეოთხე ტურში ერთმანეთს ქუთაისის ,,ტორპედო,, და საჩხერის ,,ჩიხურა,, დაუპირისპირდნენ. ჩემპიონატის წინა ორ შეხვედრაში უგოლო ფრეების შემდეგ ,,ტორპედოს,, სატურნირო ვითარება საკუთარ მოედანზე უნდა გამოესწორებია, თუმცა შედეგი საპირისპირო გამოდგა. ,,ტორპედომ,, ვერც ამჯერად მოახერხა მეტოქისთვის ბურთის გატანა და საჩხერის ,,ჩიხურასთან,, 3:0 დამარცხდა. ,,ტორპედო,, შვიდეულში ბოლო ადგილს იკავებს.
