უკრაინაში ომი გრძელდება. გვიან ღამით ზაპოროჟიეს რეგიონში ოკუპანტების მიერ განხორციელებული იერიშის შედეგად განადგურდა რამდენიმე სამოქალაქო ობიექტი, არიან დაშავებულებიც.
გასული დღე- ღამის განმავლობაში რუსულ აგრესიას დონეცკის ოლქში კიდევ 7 ადამიანი ემსხვერპლა, ამის შესახებ ინფორმაციას დონეცკის რეგიონული სამხედრო ადმინისტრაციის ხელმძღვანელი ავრცელებს.
პაველ კირილენკოს თქმით, დაშავებულია 17 ადამიანი, გარდაცვლილთა ზუსტი რაოდენობის დადგენა მარიუპოლსა და ვოლნოვახაში კი ამ დროისთვის შეუძლებელია. უკრაინული მედიის ცნობით, ბოლო 24 საათში მტერმა უკრაინის ტერიტორიაზე 4 სარაკეტო და 27 საჰაერო იერიში განახორციელა. დაიბომბა დნეპროპეტროვსკიც, არიან გარდაცვლილები და დაშავებულები. 2 200-ზე მეტი ოჯახი ელექტროენერგიის გარეშეა დარჩენილი.
უკრაინის გენერალური პროკურატურის ბოლო მონაცემებით, რუსეთის სრულმასშტაბიან ომს უკრაინაში 391 ბავშვის სიცოცხლე შეეწირა, 771 კი დაშავდა.
