ახალი საპროტესტო ტალღა ტყიბულში საქნახშირის მიერ მეშახტეებისთვის შეთავაზებული შრომთ ხელშეკრულებს მოჰყვა,შახტაში დასაქმებულების ნაწილმა შრომის კოდექსთან შეუსაბამო პირობების გამო ხელშეკრულებას ხელი არ მოაწერა,დღეს ტყიბულელ მეშახტეებს და ჯი-აი-ჯი ჯგუფის ადმინისტრაციას პროფკავშირების თავმჯდომარე თამაზ დოლაბერიძე შეხვდა.გუშინ ადმინისტრაციის მიერ შეთავაზებულ ახალ ხელშეკრულებას 200-მა მეშახტემ ხელი მოაწერა. პროფკავშირები აცხადებენ,რომ ხელშეკრულება კანონშეუსაბამო იყო და მეშახტეთა ინტერესებს არ ითვალისწინებდა.
დღევანდელ შეხვედრაზე კი გადაწყდა,რომ აღნიშნული ხელშეკრულება და შესაბამისად,200 ხელმოწერა ანულირდება და 3 დღის განმავლობაში ახალი ხელშეკრულება გაფორმდება მეშახტეებთან,რომელშიც დასაქმებულთა უფლებები გათვალისწინებული იქნება.