აკაკი წერეთლის სახელმწიფო უნივერსიტეტში საერთაშორისო სამეცნიერო კონფერენცია ,,ენა და კულტურა“ გაიმართა
31.05.2019
უკან დაბრუნება
აკაკი წერეთლის სახელმწიფო უნივერსიტეტში საერთაშორისო სამეცნიერო კონფერენცია ,,ენა და კულტურა“ გაიმართა, რომელიც საზეიმო ვითარებაში ქუთაისის 1-ლი სკოლის აღსაზრდელებმა გახსნეს. მასში მსოფლიოს 31-მა ქვეყნის წარმომადენელმა მიიღო მონაწილეობა. კონფერენცია, რომლის ფარგლებშიც სხვადასხვა აქტივობა იმართება, მე-5 წელია ტრადიციულ ხასიათს ატარებს. მონაწილეები და სტუმრები წელს ოტია იოსელიანის სახლ-მუზეუმს, პრომეთეს მღვიმესა და გელათის მონასტერს მოინახულებენ. ღონისძიების ფარგლებში, თეატრის სცენაზე სპექტაკლს ,, 6 შინაბერა და ერთი მამაკაცი“ ხარაგაულის თეატრის მსახიობები გამართავენ. კონფერენცია დღეს დაიწყო და სამი დღის განმავლობაში გაგრძელდება.
