ტყის საერთაშორისო დღესთან დაკავშირებით ქუთაისში ხეების დარგვის აქცია მოეწყო
21.03.2018
უკან დაბრუნება
ტყის საერთაშორისო დღესთან დაკავშირებით ქუთაისში ხეების დარგვის აქცია მოეწყო. გარემოს დაცვისა და სოფლის მეურნეობის სამინისტროს, იმერეთში სახელმწიფო რწმუნებულის-გუბერნატორის ადმინისტრაციის, ადგილობრივი თვითმმართველობისა და ეროვნული სატყეო სააგენტოს წარმომადგენლების ჩართულობით 200-მდე მუხის, კოპიტისა და წიწვოვანი სახეობის ნერგი დაირგო. იმერეთის გუბერნატორის პირველმა მოადგილემ გრიგოლ დალაქიშვილმა და ვიცე გუბერნატორმა იოსებ ხახალეიშვილმა ხეები დაუნის სინდრომის მქონე ბავშვებთან ერთად დარგეს.. მე-8 საბავშვო ბაღის მიმდებარე ტერიტორიაზე მიმდინარე აქციას მოსახლეობაც შეუერთდა. 21 მარტი დაუნის სინდრომისა და ტყის საერთაშორისო დღეა . გაეროს გენერალურმა ასამბლემამ 21 მარტი მსოფლიოს საერთაშორისო დღედ აღიარა. ამ დღის აღნიშვნის მიზანი ტყის მნიშვნელობის შესახებ საზოგადოების ცნობიერების ამაღლებაა.
