ზურაბ ალავიძემ ბაღდათის და ვანის მუნიციპალიტეტების სოფლების როხის და სალომინაოს გზის ორი მონაკვეთის რეაბილიტაცია დაათვალიერა
07.02.2018
უკან დაბრუნება
ბაღდათის და ვანის მუნიციპალიტეტების სოფლების, როხის და სალომინაოს გზის ორი მონაკვეთის რეაბილიტაცია, რეგიონული განვითარებისა და ინფრასტრუქტურის მინისტრმა ზურაბ ალავიძემ, იმერეთში სახელმწიფო რწმუნებულმა-გუბერნატორმა გივი ჭიჭინაძემ, პირველმა მოადგილემ გრიგოლ დალაქიშვილმა და ადგილობრივი თვითმმართველობის წარმომადგენლებმა დაათვალიერეს. გზის აღნიშნულ მონაკვეთზე იგება ორფენიანი ასფალტის საფარი, მოეწყობა გრუნტის სანიაღვრე არხები და რკინა-ბეტონის მილხიდები. ამ ეტაპზე 4 კმ-მდე მონაკვეთის რეაბილიტაციის პროცესი აქტიურად მიმდინარეობს. სამუშაოები გაზაფხულზე დასრულდება, რაც მოსახლეობას საშუალებას მისცემს გზებზე კომფორტულად გადაადგილდეს. პროექტის ღირებულება 1 მლნ ლარზე მეტია. დონორი-ევროპის საინვესტიციო ბანკია.
