უკაინაში ომის 197-ე დღეა. აღმოსავლეთისა და სამხრეთის ფრონტზე ბრძოლები გრძელდება. ადგილობრივი მედიის ინფორმაციით, უკრაინულ ძალებს ხარკოვის ოლქში, ქალაქ ბალაკლეაში მტერი ალყაში ჰყავთ მოქცეული და სტრატეგიული მნიშვნელობის ქალაქ კუპიანსკისკენ მიიწევენ. რუსეთი კი ხერსონის, ნიკოლაევისა და ზაპოროჟიეს უკვე ოკუპირებულ ნაწილებზე კონტროლის შენარჩუნებას ცდილობს.
მძიმე ბრძოლებია ხერსონში, სადაც უკრაინელმა მებრძოლებმა ბოლო ერთი კვირის განმავლობაში, რამდენიმე დასახლებული რაიონი გაათავისუფლეს.
