ომის 188-ე დღეს რუსული ძალები უკრაინის ქალაქებს ისევ ბომბავენ
30.08.2022
უკან დაბრუნება
ომის 188-ე დღეს რუსული ძალები უკრაინის ქალაქებს ისევ ბომბავენ. ოკუპანტთა სამიზნე ამჯერად ნიკოლაევი გახდა. სარაკეტო დარტყმების შედეგად 2 ადამიანი დაიღუპა და 24 დაშავდა. აფეთქებების ხმა ისმის დროებით ოკუპირებულ ხერსონშიც.
CNN-ის ცნობით, უკრაინულმა ძალებმა წარმატებული კონტრშეტევის შედეგად 4 სოფელი გაათავისუფლეს.
სამხედროებმა, გასული დღის განმავლობაში, ქვეყნის სამხრეთში 80-ზე მეტი რუსი ოკუპანტი და მტრის კუთვნილი 30 ერთეული ტექნიკა გაანადგურეს, - ინფორმაციას უკრაინული მედია ოპერატიულ სარდლობა „სამხრეთზე“ დაყრდნობით ავრცელებს.
