საგანგებო სიტუაციების მართვის სამსახურის ცნობით, ამ დროისათვის ბორჯომში დასახლებულ პუნქტებზე ხანძრის გავრცელების საშიშროება მოხსნილია
22.08.2022
უკან დაბრუნება
საგანგებო სიტუაციების მართვის სამსახურის ცნობით, ამ დროისათვის ბორჯომში დასახლებულ პუნქტებზე ხანძრის გავრცელების საშიშროება მოხსნილია. მუნიციპალიტეტში ხანძრის ქრობის სამუშაოები მთელი ღამის განმავლობაში მიმდინარეობდა. სამუშაოებში ჩართულია 300 მეხანძრე-მაშველი და განსაკუთრებულ დავალებათა დეპარტამენტის 300 თანამშრომელი. დილიდან ხანძრის ჩაქრობის ღონისძიებები განაახლეს სასაზღვრო პოლიციის ვერტმფრენებმა. ოფიციალური ინფორმაციით, ადგილზე იმყოფებიან შინაგან საქმეთა სამინისტროს სხვადასხვა დანაყოფის წარმომადგენლები, ასევე, თავდაცვის სამინისტროს პირადი შემადგენლობა, ეროვნული სატყეო სააგენტოსა და ადგილობრივი მუნიციპალიტეტის წარმომადგენლები.
