მოსკოვი შეერთებული შტატებისგან სერგეი ლავროვისა და რუსეთის დელეგაციის წევრებისთვის ვიზების გაცემას მოითხოვს
18.08.2022
უკან დაბრუნება
მოსკოვი შეერთებული შტატებისგან სერგეი ლავროვისა და რუსეთის დელეგაციის წევრებისთვის ვიზების გაცემას მოითხოვს, რათა მათ გაერო-ს გენერალური ასამბლეის სხდომაზე დასწრება შეძლონ.
როგორც რუსეთში აცხადებენ, შეერთებულ შტატებს ბოლო წლებში არაერთხელ შეუქმნია სირთულეები რუსეთისთვის სამუშაო ვიზებთან დაკავშირებით.
აშშ-ში რუსეთის ელჩის თქმით, საელჩომ უკვე მიმართა თეთრ სახლს და სახელმწიფო დეპარტამენტს მოთხოვნით, შეასრულონ ქვეყნის ვალდებულებები, რომლის ტერიტორიაზეც განთავსებულია გაერო-ს შტაბ-ბინა და დაუყოვნებლივ გასცენ ვიზები მინისტრისთვის და რუსეთის დელეგაციის ყველა წევრისთვის.
ნიუ-იორკში გაეროს გენერალური ასამბლეის 77-ე სესია 13 სექტემბერს გაიხსნება.
