2022 წლის ერთიანი ეროვნული გამოცდები დაიწყო, აბიტურიენტები პირველ გამოცდას ქართულ ენასა და ლიტერატურაში აბარებენ. პირველმა ნაკადმა რეგისტრაცია დილის 08:00 საათზე გაიარა. ქუთაისში სულ სამი საგამოცდო ცენტრია, როგორც ადმინისტრატორი ამბობს პროცესი მშვიდ გარემოში მიმდინარეობს. შეფასებისა და გამოცდების ეროვნული ცენტრის თანახმად, წელს ერთიან ეროვნულ გამოცდებზე 41 000-ზე მეტი აბიტურიენტია დარეგისტრირებული.
