ქუთაისში მორაგბე ნუგზარ ძაგნიძე გაიხსენეს. სპორტსმენის 55 წლის იუბილის აღსანიშნავად მეგობრები და ვეტერანი მორაგბეები მისი სახელობის რაგბის აკადემიაში შეიკრიბნენ. მათ ნუგზარ ძაგნიძის მიღწევებსა და დამსახურებებზე ისაუბრეს . სპორტსმენი ქუთაისის “აიაში“ 16 წლის ასაკიდან თამაშობდა. გუნდთან ერთად 3ჯერ გახდა საბჭოთა კავშირის ჩემპიონი, 2ჯერ თასის მფლობელი. მოთამაშის კარიერის დასრულების შემდეგ იყო ქუთაისის “აიას” და საქართველოს ახალგაზრდული ნაკრების მწვრთნელი. ნუგზარ ძაგნიძე 2013 წელს, 45 წლის ასაკში გარდაიცვალა.
