წყალტუბოს მუნიციპალიტეტში საირიგაციო სისტემის მაგისტრალური და გამანაწილებელი არხების რეაბილიტაცია სრულდება. მიმდინარე სამუშაოები სოფლის მეურნეობის მინისტრმა იმერეთში სახელმწიფო რწმუნებულის– პირველმა მოადგილემ და წყალტუბოს მუნიციპალიტეტის გამგებელმა დაათვალიერეს. რეაბილიტაციის შედეგად 12 სოფლის 4 750 ჰექტარი მიწის ფართობი იქნება წყალუზრუნველყოფილი. პროექტის ღირებულება 3 491 000 ლარს შეადგენს. იმერეთის რეგიონში 2012 წლიდან დღემდე სამელიორაციო ინფრასტრუქტურის 14 სარეაბილიტაციო პროექტი განხორციელდა, რომელთა ჯამური ღირებულებაც 9 166 000 ლარია. შედეგად წყალუზრუნველყოფილი მიწის ფართობი 970 ჰექტრიდან 12 000 ჰექტრამდე გაიზარდა.
