როგორც მომიტინგეები აცხადებენ, თუ 2-3 დღეში მათ მოთხოვნებს რეაგირება არ მოჰყვება, ისინი ზესტაფონის, ჭიათურის, ქსნისა და სხვა გაფიცულ მუშებთან ერთად გაერთიანებულ აქციას გამართავენ და საერთო ძალებით ეცდებიან მშრომელთა უფლებების დაცვას. ტყიბულის გაფიცულ მეშახტეებს იურიდიულ კონსულტაციებს ადამიანის უფლებების სწავლებისა და მონიტორინგის ცენტრის- თანამშრომლები უწევენ. ორგანიზაცია მუშების მოთხოვნებს ლეგიტიმურად მიიჩნევს და სოლიდარობას უცხადებს მათ.
გუშინ გაფიცულებმა საგანგებო განცხადება გაავრცელეს და პროცესში ხელისუფლების მაღალჩინოსნების ჩართვა მოითხოვეს.
