14 ნოემბერს დიაბეტის მსოფლიო დღე აღინიშნება. თარიღთან დაკავშირებით, ქუთაისში უფასო სამედიცინო აქცია ჩატარდა. ენდოკრინოლოგიის ინსტიტუტის ორგანიზებით გამართულ აქციას, შპს ,,კარდიოლოგმა“ უმასპინძლა. აქციის ფარგლებში, შაქრიანი დიაბეტით დაავადებული პაციენტები უფასოდ გასინჯეს, ჩაუტარდათ ლაბორატორიული კვლევები და სხვადასხვა ფარმაცევტული კომპანიების მიერ მოწოდებული მედიკამენტები უფასოდ გადაეცათ. ქუთაისში, ცნობილი პროფესორი ელენე გიორგაძე ოთხ ენდოკრინოლოგთან ერთად იმყოფებოდა.
