მოუწესრიგებელი გზის საფარი და დაუსრულებელი სარეაბილიტაციო სამუშაოები , ასლანიკაშვილის ქუჩაზე, მოსახლეობის პროტესტის მიზეზი გახდა. აქ მაცხოვრებლები აცხადებენ, რომ აღნიშნულ ტერიტორიაზე ტრანსპორტით გადაადგილება თითქმის შეუძლებელია. უკვე რამდენიმე თვეა, რაც ასლანიკაშვილის ქუჩის მოსახლეობა ადგილობრივ ხელისუფლებას დროულ რეაგირებას სთხოვს, თუმცა უშედეგოდ. აღნიშნულ ბრალდებას ინფრასტრუქტურის სამსახურის ხელმძღვანელის მოადგილე მირზა ხიდაშელი პასუხობს.